وصفة صحراوية

12/7/2016

 

 

واحدت صحبتي 15 يوم مشفتها هي سميرة شوية نهار جات لعندي معرفتهاش بيضت مشات سمورية سولتها كالت ليا دارت وصفة صحراوية كالتها ليها مرت عمها صحراوية بل منطول عليكم نخليكم مع التفاصيل
نص لتر حليب
صابونة دوف البيضاء
باكية الغاسول الابيض
نصف قنينة ماء ورد
كتفيضي الحليب بوحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيآآن ثم كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطي غي بالملعقة
من بعد ملي يبرد كديريه في شي بواطة كتسدي عليه وكديريه في الثلاجة

غادي تلاحظي انو كيبان سائل ولكن النهار التالي غادا تلاحظيه ولا بحال الكريم

طريقة الاستعمال

غادي نستعملو تقريبا الكمية لي ممكن نحتاجو من الخليط ونرجعو البواطة مباشرة للثلاجة باش تبقا عندنا مدة طويلة وما تخسرش

كتدهنو بيه كلشي الجسم
وكتخلوه مدة 3سوايع على الاقل و من الاحسن و الافضل ديروه بالليل ومع الصباح دوشو
كتديري الوصفة يوميا على الاقل واحد الاسبوع متابع ومن بعد وقتما رشقت

Category : SOINS DE LA PEAU العناية بالبشرة | Write a comment | Print

Comments