أفكار

25/7/2014



-السجادات ديال الصلاة منين نصبنوهم وينشفو نحكو عليهم المسك ونطويوهم كتكون فيهم ديما ريحة زوينة

_منادل الضياف عوض سرابت الورق نديروا فوطات صغار حسب لون الطلامط ونفزكوهم بماء الزهر ونسخنوهم في الميكروند ايلا كان الجو بارد ونعطيوهم للضياف يمسحو بهم بين الوجبات
_بالنسبة للثوب ديال النيلو او ايلاستيك اللي ماكتشدش فيه الابرة ديال المكينة نقطعو شرائح طوال ديال الجورنال ماتكونش فيه الكتابة ونديروهم فوق الثوب ونحطو عليهم السباط ديال المكينة ونخيطو عليهم ومن بعد نزولو الجورنال من الثوب
_احذية الدان الا تغبرات كنرشوها مزيان بمعطر الجو كينظف ويعطي اللمعان
_ايلا طلقليك الصدا فشي لبسة شديها فركيها بالحامض وخليها ليلة كاملة ونهار الثاني شلليها وفركيها بصابون الحجرة وخليها ليلة اخرى وغادي يزول
_لتفادي رائحة القدمين بعد خلع الحذاء رشي قليلا من بودرة بيكربونات الصودا قبل لبس الحذاء
-باش الدنجال مقلي يجي مزيان وميشربش الزيت نخلطوا الحليب مع شوية فورص و الملح الخليط كيكون سائل ونرقدو فيه الدنجال مقطع ساعة او اكثر ومنين نبغيو نقليوه نصفيوه وندوزوه في الدقيق ثم نقليوه
-في حالة زيادة التوابل بالطعام نقوم بكسر حدته بإضافة ملعقة من ياغورت مسوس للطعام
-إلا طيبنا العسل فالدار وقصاح لينا كنسخنوه ونزيدو عليه الماء طايب ونحركو ثم نزولوه
-والا رجع لينا العسل سنيدة كنزيدو عليه عصير الحامض ونردوه يطيب
-الا درتي شوية الملح في زيت القلي فان الزيت لايتطاير سواء في قلي الفلفل او البطاطا او السمك
-الفلفلة تغسل وتمسح ونديروها في المجمد وملي نبغيوها نشووها مباشرة كتبقى مزيانة
-الطريقة الامنة لغسل الخضروات والفواكه هي بغسلها بالماء المضاف اليه الخل ( ملعقة خل لكل لتر ماء) هذه الطريقة تقتل الميكروبات وتحتفط بالفيتامينات
-للحصول على بيضة مسلوقة بدون تشقق في القشور أضيفي فقط الى مياه السلق قليلا من الخل
-لتعويض الفرماج الاحمر ناخد فرماج مثلث او مربع ونديروه في المجمد ثم نحكوه فوق الكرتان بالحكاكة الغليطة كيعطي منظر هائل للكرتان
-لتنسيم البيض اللي كندهنو بيه الحلويات او الخبز كنزيدو معاه فاني او شوية القرفة او قهوة سريعة

Category : IDEES DOMICILE الأفكار المنزلية | Write a comment | Print

Comments