وصفات طبيعية هناتني من تساقط الشعر و غطات لي الشيب

18/11/2013

مشكل تساقط الشعر وفي نفس الوقت غطات لي الشيب وعطاتني لون غـــــزال :
 
كنوجدفي الأول مغلي الأعشاب وكيكون ديمة موجود عندي في الثلاجة :كندير في كسرونة شوية السالمية + الزعتر+ الآزير + قشور الرمان +السواك + 1م ص خرقوم بلدي +بصلة حمرة مغسولة ومقطعة بقشورها على 4 + 4 ضروس ثوم بقشورهم + الماء مغلي، نخليو الكل فوق النار لمدة 15 دقيقة، ومني يبرد نصفيوه ونديروه في قرعة، ريحة البصل والثوم مع الطهي مكتبقاش مجهدة، مرة في الأسبوع، قبل الحمام كندفي لقياس من هاد المغلي وكنضيف عليه1معلقة صغيرة من كل من: الريحان+ الورد+الخزامى+ 2م ك كاكاو أسود ديال لعبار+ 2م ك لزاز +2م ك حنة + أصفر بيضة + دانون مسوس، خلي الخليط يخمر مدة ساعة وديريه لشعرك لمدة 3 أو 4 ساعات وغسليه عادي، ونصيحتي هي ان أي شمبوان كترتاحي ليه زيدي ليه نفس كميته مغلي الآزير والزعتر واستعمليه انت وكل أفراد العائلة، فهو فعال يقوي الشعر ويوقف تساقط الشعر ويعطي اللمعان.
 
هاد الوصفات عن جد وافقوني وخلصوني من تساقط الشعر و كل مشاكلي مع شعري وللأمانة تجاوزت المشكل نهائيا ملي زدت وصفة رشيم القمح من وصفات الدكتور جمال الصقلي، وهي وصفة ساهلة ولذيذة وفعالة بامتياز، كتقوي الشعر وكطولو وكتعالج الشعرة من الجدوركما أن رشيم القمح يحمي من التجاعيد ويقضي على التصبغات الجلدية :
 
وصفات الدكتور جمال الصقلي رشيم القمح : خدي كيلو قمح غسليه وغطيه بالماء مدة 3ساعات، ثم صفيه، وفرشي ليه منديل مبلل ومعصور وسرحيه فوقه وغطيه بمنديل آخر مبلل ومعصور وكل مره بللي المنديل للحفاظ على الرطوبة مدة 3 أيام، في الأول غينبت نبتة لونها ابيض من بعد غيتحول لون النبتة للأخضر فاتح وهذا هو رشيم القمح دخليه مرة مرة لفرن سخون ومطفي حتى ييبس وطحنيه وديريه في قرعة : خدي 1م ص يوميا قبل لفطور، قبل الغداء، قبل العشاء، قبل النوم: جربو وحكمو بنفوسكم وصفات طبيعية هناتني من تساقط الشعر و غطات لي الشيب.

 

Category : SOINS DES CHEVEAUX العناية بالشعر | Write a comment | Print

Comments