علاج فعال وهائل للتبول اللاإرادي

9/2/2013

خواتي الفاضلات اتمنى تكونو بخير وعلى خير والله يخلي لكم اولادكم ويحفظهم يارب هدا علاج اقدم هدية لكم بعد تجربته والحمد لله كانت نتيجة مرضية لهدا لااريد البخل عليكم بالعلاج كهدية لكم ولمعانتكم مع اولادكم بسبب التبول في فراش ليلا بسبب اصابتهم بالبرد والعلاج طبيعي وسهل جدا لكن حاولي اختي ما يشربو اولادك سوائل في الليل او مشروبات باردة او مؤكولات باردة
 او يمشيو بالحفى بلا احدية في دار لا لا وتبقي تلبسيهم مزيان ويبقو يغسلو رجليهم بماء دافيء
الطـــــريــقــــة :
 * تاخدي نصف لتر عسل الحر أحسن نوع ديال الزعتر
 والا ما كان عندك حضري عسل بالاعشاب في دار كيف تتطيبيه لكن تاخدي مقدار ماء الي تتعملي في عسل طيبيه مزيان وترمي فيه 2 معالق من زعتر والفليو و اليزيرو خزامة و اعواد القرفة و معلقة سكنجبير وتخليهم فيه حتى صباح وتاخدي ماء تصفيه وتطيبي فيه العسل كيف تتطيبيه مع اعواد القرفة وتاخدي مقدار نصف لتر عسل تزيدي فيه غرام زعفران الحر و2 معالق كبار من حبة سوداء حمريها وطحنيها وخلطيهم مزيان مع العسل واحتفظ به في قنينة زجاجية وتبقي تعطيه معلقة صغيرة من عسل قبل نوم وما ياكل او يشرب بعده
 * وتاخدي أختي قرعة فازلين ماجي لونه أصفر معروف في الاسواق وعند العطار بالخصوص وتاخدي 1 كوزة وتحمريها في مقلة على نار هادئة وبعدها تدقيها في مهراز مزيان حتى تصير لينة وتضاف لفازلين وبعدها تغلق القرعة فازلين وتوضع في اي اناء فيه ماء طايب وتغطيه وتخليها فيه حتى تبان لك اصبحت سائلة وتحركيها مزيان بالمعلقة هكدا غادي تندمج الكوزة مع فازلين وتطلق فيها وكل ليلة أثناء نوم تدهني بها تحت كرش ابنك او ابنتك مكان الي بين الكرش والعانة وحاولي ما توصلي المنطقة الحساسة
 وتلبسيه ملابس مزيان تدهني ليه تحت القدمين فقط بهده فازلين وتلبسيهم تقاشر وتغطيهم مزيان
 والا كانو تيرميو غطاء في الليل اثناء نوم فهكدا لازم تلبسيهم حوايج مزيان وكيطمات سخونات وتدهني لهم كدالك بالفازلين تحت القدمين فقط مكان الاسفل
 وفي الصباح تغسلي ليهم رجليهم بصابون وماء دافيء وتمسحي لهم تحت كرشهم بفوطة مبللة بماء دافيء وتدهني لهم باي كريم او بزيت جونسون للاطفال يوميا كل ليلة قبل نوم وان شاء الله بشفاء لاولادكم كل طفل حسب البرد الي فيه حسب مدة الي تكفيه كاين الي تعالج مدة شهر وكاين الي شهرين
 لكن ثمت تجربته على اطفال من 5 سنوات فما فوق ولا تنسوني بصالح دعائكم بتسهيل اموري ودمتم في رعاية الله

Tags : bfati
Category : TRAITEMENTS DES MALADIES أمراض وعلاجها | Write a comment | Print

Comments