وصفات ميد راديو لالا مولاتي

10/9/2011

نبدا بسم الله

وصفة الجمال
قرفة بلدية مطحونة مع العسل الحر نضعها على البشرة لمدة 20 دقيقة ثم نغسلوها بماء دافئ ثم بارد السيدة اللي قالتها كتحلف أنها جد فعالة ضد البقع البنية غير خاص الصبر والمداومة كل يوم
بالتوفيق

وصفة لصباغة الشعر باللون البني
الحنة
قهوة سريعة الذوبان عصير 2 حامضات
بياض بيضة
الماء مغلى خلطي الكل مزيان خليه يطلق شوية ثم عمليه على الشعر لمدة 02 أو 03 ساعات ثم اغسليه
بالصحة والراحة
سواد الابطين

قرنفل مدقوق نخلطوه مع الخل العادي و يدهن في الليل و الصباح يتغسل

التجاعيد

بياض بيضة نطربوها حتى تولي فحال الثلج نزيدوا عليها 3 معاق زيت اللوز و يتوضع على الوجه و العنق و تحت العينين و جناب الفم
مع تدليك خفيف و يغسل بماء دافئ

الشيب

أوراق التوت طريين نعملوا معاه الماء غليان و نبقاوا نشقوا بيهم الشعر يوميا

الصلع


الثومة بصلة حمرة 2 معالق حليب سائل زنجلان ندقوهم في المهراز و ناخذوا الماء ديالهم ندهنوا بيه 3 مرات في الأسبوع

تبييض الأسنان

2 معالق سنيدة شوية الملح 2 معالق دقيق قمح بخالته شوية الحامض نخلطوا الكل و نبداوا نمسحوا بشوية من الخليط الأسنان بواسطة قطن

وصفة لحساسية الصدر

النافع البلدي مدقوق يتخلط بالعسل الحر
يؤخد معلقة على الريق و معلقة قبل النوم

وصفة لتخسيس الكرش

وهي زرعت الكتان محمرة ومطحونة ........كتاخدي 2 معالق صغار على الريق الصباح قبل الفطور....من بعدها بي ساعة ونصف عاد تفطري لما توصل الساعة 11 صباحا تشربي لتر ونصف ماء دافي ......ضروري ........وفي المساء في الساعة 5 تشربي عاود لتر ونصف من الماء الدافئ .....ضروري
وهاد الشيء تداوميه كل يوم ولكن النتيجة تبان من الاسبوع الاول
وصفة لتبيض المناطق الحساسة

كاس ماء ورد 2 م ك سكر كلاص 5 م ك طالك الاطفال 3 م ك زيت الزيتون نخلطو كلشي وندفيوه على النار تم ندلكو بيه المناطق لي بغينا ونخليوه 3 ساعات خاصنا نداوموها يوميا

وصفة لتبييض اليدين والرجلين
1 م عصير حامض 3 م جليسرين 1 م ماء البطاطا 10 قطرات زيت بدرة المشماش ندهنو بيه اليدين والرجلين كل ليلة وفالصبح نغسلو

وصفة لتطويل الرموش
حلبة محمرة مطحونة وعلف التمر محمر مطحون زيت الخرواع نخليوه يرقد 40 يوم عاد نستعملوه

وصفة للكزيمة
كاس الشيح ولتر ماء كاس حلبة كاس قشرة البصلة حمراء الملحة الحية نديروهم فبانيو ونديرو بيه حمام للرجلين من بعد نشفوهم و ناخدو الشيح والحناء الحلبة الشبة ماء البصلة وماء الجزر نخلطوهم على شكل عجينة وندهنو بيها الرجلين

وصفة للدوالي او لي فاغيس
نديرو حمام للرجلين فبانيو ب2 كيسان خرطال كاس حلبة مطحونة والماء لمدة نصف ساعة من بعد نديرو ماسك للرجلين بماء سلق الخرشف البلدي والطين
الاخضر وزيت الزيتون تم نمسحوه ببونجا بلا ماء وندهنوهم مع مساج خفيف بزيت الورد مع شرب كل ليلة عصير العنب يعني العنب مطحون بالقشرة والعضم
انا كنت عند اختي وسمعت وصفة تبييض الاسنان 2معالق سنيدة+ملح+2معالق دقيق القمح+شوية الحامض نخلطوا الكل ونمسحو بالقطن
لتساقط الشعر
كاس جنجلان محمر و مطحن+كاس زريعة الكتان محمر ومطحون+كاس زيت العود
نجمع جميع المقادير في قنينة و مرة مرة ندهن بالزيت و ملي نبغو نمشيو لحمام نشق راسنة بالتخة لتحتاني اي جنجلان و زريعة الكتان
لازالة تشققات القدم
2معالق الطالك كاس زيت العود شمعة صغيرة ديال 10ريال
ناخد زيت العود نعملوه في كسرونة نزيدو عليه الشمعة ونعملوه فوق البوطة حتى تدوب الشمعة نزيدو الطالك ونحركو حتى يتجانس ونزولوه نعملوه في شي قريعة ونستعملوه يوميا صاحبة الوصفة كتقول انه زوين بزاف

تبييض الوجه

ملعقة كبيرة من دقيق القمح
حليب دافئ
يوضع على الوجه و العنق 15 دقيقة
يغسل بماء المعدنوس

سواد الابطين
قرنفل مدقوق نخلطوه مع الخل العادي و يدهن في الليل و الصباح يتغسل

وصفة للهالات السوداء
وراق النعناع نقطعوهم ونديروهم على العين من 5 الى 10 دقائق تم نغسلو بماء دافي ونديرو لهم مساج بزيت اللوز

نزيف اللتة
كاس ورد الرمان مع 2 كيسان ماء سخون لما يطلق نديرو بيه بان بوش كلما غسلنا الاسنان بالشيتة

وصفة للجسم
كاس صغير عصير حامض نص كاس ماء ورد نص كاس جلسرين نص كاس عسل حر نص كاس حليب الرايب ندهنو بهاد الخليط الجسم قبل الحمام ونستعملوها مرة فالاسبوع

دواء للبهك
الصابون البلدي والطين الخام يعني الطين باقي خضر مطيبش
علاج اوجاع الركبة
ليمون مر اللي اسميتوا الرنج نقطعه دوائر و نضعه في كاسرونة مع قليل فقط من الماء و نتركه على النار حتى يبدا يغلي و يتعسل غير شوية
تم نضعه على الركبة وهو دافئ ونغطيه بالفوطة حتى يبردوا و نكرر العملية 3 المرات تم نحيدوا و تغطاي ونعسي هههههههه
و الغد تكرر و بعد غد حتى تحسي بالراحة

الوصفة ديال التبييض
تلت صابونة محكوكة ديال الحجرة
بكية غاسول ابيض
قرعة ماء الورد
200 غرام سكر كلاصي
ملعقة خميرة ديال الحلوى
نخلط الكل بالطراب و نضع الخليط في قرعة معقمة تم نتركها 20 دقيقة ترتاح و من بعد ندخلها للتلاجة
قاليك هدا القناع كيبيض الوجة و كينضفوا جيدا
ماسك الوجه
لي قالت حورية فيه كاس المعدنوس يغلى مع الماء من بعد نطحنوه وناخدو منو قياس معلقة صغيرة نخلطوها مع معلقة صغيرة عسل ومعلقة صغيرة زيت الزيتون وروز مطحون حسب الخليط هاد الماسك كيغدي البشرة وكينقيها

تبييض و تغدية البشرة
ماء بطاطا+ماء خيار +حليب نيدو+دقيق شعير


تنقية الوجه
الغاسول الابيض+ماء الورد+3نقط عصير حامض+شوية عكر فاسي حر

لإزالة الصيبانا من بين أصابع الأرجل
القرنفل مطحون + الخل الأبيض
يخلط الكل حتى يصبح على شكل عجينة و يوضع بين الأصابع
بالشفاء إنشاء الله
وصفة للجسم

دوا الاحمر
صابونة الحجرة محكوكة
النيلة الفاسية
العكر الفاسي
2 كيسان عصير الحامض
نخلطو كلشي ونديرهوه على الجسم ونخلوه حتى ينشف ونديرو عليه كيري ونفركوه
وممكن نضيفو ليه الحنة ونغسلوه فالحمام والى درنا ليه الحنة بلا مانديرو الفرماج.


الوصفة الثانية للجسم

بطاطا مصلوقة
نيدو

نخلطوهم ونديروهم على الجسم حتى ينشفو ونفركوهم

وصفة للوجه

2 ماء ديال 2بصلات
العسل الحر
نخلطوهم ونديرهم على الوجه نصف ساعة ونغسلوه بما الدافئ وماء الورد

قناع صفاء البشرة
شوية غسول بيض مدوب فشوية الماء / معلقة ما ورد / 3 قطرات الحامض / شوية عكر فاسي
نخلط الكل نديروه في وجهنا

مسمار الكيف
تاغينا اوراق السدر / ام الناس
نطحنوهم نخلطوهم مع شوية الما نضعوه على رجلينا نعاودو ه 3 ايام

مسمار الكيف
قشور مطيشة نحكوهم على الرجل نلفها بلاستبكا نلبس تقشيرة 3 او 4 ايام راه يطلع بوحدويعني نعاودها كل يوم 3او4 ايام


شومينيو الاضافر
كبريت
نيترون
القطران
يتدق الكبريت ونيترون ونزيدو عليه القطران وندهنو بيه الاضافر في الليل

زالة الحناش لي في البطن
اشيح مغلي مع لما على الريق شرب كاس ولكن بشرط الى كان يتبخ ما تشميهش باش ماي هربوش لحنيشاتك


تبيض المناطق الحساسة
معلقة ملح و م سكر نخلطهم نوضعهم فيكسرونة حتى يدوبو نطفي على لبوطة
كاس ما ورد _3م زيت لعود_نص كاس بولبو نخلط الكل نوضعهم على سكر ولملح ثم نرجعهم مرة اخرى لبوط حتى يولي كريم ثمندهن المناطق الحساسة لمدة نصف ساعة
ليطاش ديال الحريق

2 م عصير بطاطا 2 م عصير جزر 1 م غليسرين زيت الجرجير او الجرجير طري ناخدو العصارة ديالو

لازالة طراس ديال الجرح
م زريعة الكتان + م عصير حامض + م عصير خيزو + م ديال البابونج







اضطرابات الحيض
قطرة زيت فليو_معلقة كبيرة زيت الدرة ندهن به تحت الحوض


لازالة الكرش

عواد قرفة مهرمشين_حب رشاد مطحون_شوية سانوج_نكب عليهم ما طايب ناخد 3 مرات في اليوم قبل الاكل
لازالة الكرش
عواد قرفة_نافع_زعتر_نكب عليه ما طايب_نشرب 3 المرات في اليوم قبل الاكل
لازالة القروعية
100 غ خردل_10غ زيت الخروع_10غ منقوع الحناء نخلطو الكل ندهنو شعرنا يوميا لمدة اسبوع
اخواتييييييي انا غادا نكتفي بهاد القدر اليوم هاد الوصفات نقلتها كنتمنا تدعيو معايا ومع اللي نقلات الوصفات مباشرة من ميد
راديو انا دابا عييت تالغدا انشاء الله غنكتب ليكم هادشي اللي عندي
بالحق كنتمنا نشوف تفاعلكم مع الموضوع باش ايلا معجبكمش بلا منعدب راسي ههههه

Tags : fati
Category : SOINS DE LA PEAU العناية بالبشرة | Write a comment | Print

Comments