ما جيت حتى جربت.. والعجب للي شفت

24/5/2011

افتراضي ما جيت حتى جربت.. والعجب للي شفت

شعري رطب.. ماعليناش
ولكن الزغبة رقييييقة..يعني شي مادرناه .. غير شوية الشقا أو البرد كيولي طاير فجميع الإتجاهات..وزيد مؤخرا بدا كيطيح ومع الصباغة نشف ..بيني وبينكم مبقيتش حاملة نشوف فيه
حتى شفت فالتلفزة بالصدفة واحد البرنامج ..جايبين شي عارضة أزياء كيستنطقو فيها على أسرار جمالها وعلى شعرها..ونيييت واااحد الشعر عندها كيتحرك كله كيف شي موجة إيلا دارت كيتبعها كامل ..والله حتى دخت
عرفتو السر
هو الزعتر والشاي الأخضر كتغليهم وتصفيهم وترش بيهم جلدة الشعريوميا
وقالت أنها متبعاها من أكثر من عشرين عام!!!
ماكنتش من العاجزين درتها ذيك الساعة ..
النتيجة روعة روعة روعة
شعري مابقاش كيطيح من أول استعمال.. وحسيت بيه صحاح ماشي باقي هش وضعيف كيف كان
والأهم منشفش ليا
وحاجة أخرى ماصدقتهاش
زاد طوال بشكل ملحوظ فأسبوعين
هذ الوصفة غنبقى إن شاء الله متبعاها حتى يولي شعري بحال شعر العارضة خخخخخ
سبحان الذي يحيي العظام وهي رميم
أه حقا كندهن شعري بواحد الدهنة عجيبة كنت حاكراها حيت رخيصة ولكن صدقات حسن من كيراسطاز للي بزبالة الفلوس
دابة نحط ليكم صورتها

Tags : fatima
Category : SOINS DES CHEVEAUX العناية بالشعر | Write a comment | Print

Comments