اليو م وانا كنتفرج في صباحيات دوزيم ’السيدة ولي مختصة بالمكياج اعطات واحد الوصفة خاصة لاصحابات الشيب بالحق قالت خاص المداومة وتكون السيدة معمرها صبغات شعرها بمواد كيماوية,المهم الوصفتين اللي عطات خاصة باصحابات الشعر الاسود و البني فيما يخص الشعر الاسودكتاخدي معلقة كبيرة حبة البركة مطحونة+نفس المقدار القطران رقيق+نفس المقدار زيت حبة البركة+نفس المقدار زيت البلدية+ طريف السواك توضع كل المقادير في قرعة وتغلق وتحفظ في مكان مغلق مدة اسبوع مع التحريك كل مرة دون فتح القارورة من بعد مادوز سيمانة صفي المحتوى واستعمليه للشعر كل اسبوع مدة 2 سوايع.بالنسبة للشعر البني كتحتاجو 2 معالق كبار حنة+1 معلقة شكلاط بودة او ما يعرف بكاوبيل+ شوية عكر فاسي+ مقدار من الماء لخلط الحناء وهاد الماء تكوني مسبقا رقدتي فيه سواك مدة يوم خلطي الحناء بهاد الماء هي وباقي المقادير وتركيها مدة ساعة تتخمر عاد طليها لشعرك مدة 4 ساعات,ملاحظة. يمكنكم مضاعفة المقادير حسب شعركم ,وبالنسبة للبنات اللي تنشف شعرهم بسبب العشوب وتدير الريوس قالت ملي تغسلو شعركم وتساليو اضيفو 2 معالق كبار خل التفاح لماء التشلال وشللوا به شعركم وبالصحة والراحة,شي دعوة نلقى شي خدمة اللي تبرد القلب راني عييت بالشوماج راني وليت معصبة هاد الايام غير بقلة شي الله يفرجها من عندو وخلاص